Sing With My Heart I

Few of the releases( especially for school going kids .. ) in SAKAL; TARUNBHARAT News paper ... years back !!
मुंगीने गाठली दिल्ली

दिल्लीला राहते का मुंगे तुझी नात ?
कावळ्याने विचारले पान खात..

मुंगीने विचारले माहीत आहे का दिल्ली
नाहीतर शोधावी लागेल गल्ली न गल्ली

घेतली एक किल्ली कावळ्याने
नकाशा काढला त्या बावळ्य़ाने

भारताचा एक नकाशा काढला
दिल्ली सापडली म्हणून तो नाचला

मुंगी भरभर नकाशावर चढली
मुंगीने झटक्यात दिल्ली गाठली

-------------------------------------------------------------------------------------------------
गीत मजेचे गावे

काटयातुनी वर यावे
फुलांमधले बकुल व्हावे
ना सुकता टिकून राहावे
गीत मजेचे गावे

झऱ्यातुनी खळाळत जावे
गावातावारचे दव व्हावे
शेतामधले कणीस व्हावे
नि गीत मजेचे गावे

इंद्रधनुच्या रंगत जावे
पाखरांचे सोबती व्हावे
सागरातील लाट व्हावे
गीत मजेचे गावे

खडतर जीवनातूनी थोडे
बाहेर येऊन पाहावे
आयुष्यातील दवबिंदू
अंगावरती घ्यावे
नि गीत मजेचे गावे

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

आनंदाचं गाणं

तिथ  खूप हसायचं असतं
सगळ्यांना जागवून
स्वताही जगायचं असतं

सागराच्या लाटान्संगे
तिच्याचसवे झुलायचं असतं
वेलीवरच्या फुलांप्रमाण
सर्वांसंगे फुलायचं असतं

वाळवंटात एखादं
झाड होऊन बघायचं असतं
सुवासासाठी मात्र
चंदन होऊन झीजायचं असतं

खळाळणारे झरे असताना
सागर बनून रहायचं असतं
ह्या अनुभवातून जाताना मात्र
गडगडत बरसायचं नसतं

आनंदाचा गाणं सगळ्यांनाच जगवतं
तुम्हीच विचार करून बघा
अश्रूंना वाट देऊन मात्र
कुणा काही मिळतं ?

-सोनिया